للمستر وصاحب السنتر
ارفع كتابك أو مذكرتك مرة واحدة، وبعدها الامتحان بيتولّد من نفس المحتوى، وبيتصحّح لوحده، والدرجة توصل الطالب وأهله على واتساب. والحضور والفلوس في نفس المكان.
ببلاش — من غير فيزا. جرّب الأدوات على مجموعة واحدة الأول، وادفع لما تلاقيها بتفرق معاك.
من دفتر المستر
إحنا مش بنخترع مشاكل عشان نبيعلك حل. دي حاجات بتتقال لنا من مدرّسين زيك — وتراك أديمي اتعمل عشانها.
مين دفع الشهر ده ومين لأ؟
رسايل من الأهالي بعد نص الليل.
المجموعتين واقعين على بعض النهاردة.
أربعين ورقة تصحيح، والقلم الأحمر خلص.
رقم ولي أمر أحمد كان فين؟
مين اللي مستواه بيقل من غير ما تاخد بالك؟
الملزمة اتصورت كام نسخة؟
فاضل كام يوم على امتحان الشهر؟
لو شفت نفسك في أربع حاجات من دول، انت في المكان الصح.
الكشف بتاعك
مش تسع أدوات منفصلة تفتح كل واحدة لوحدها. صفحة واحدة فيها المجموعات والحضور والامتحانات والدرجات والفلوس — وكل واحد بيشوف اللي يخصّه هو بس.
اعمل المجموعة وحدّد ميعادها، والطالب يدخل بكود أو برابط — من غير ما تكتب اسم واحد بإيدك.
تاخد الحضور من الموبايل وانت واقف، ويتسجّل مين غاب ومين اتأخر — والكشف محفوظ بتاريخه.
ارفع الملزمة أو الفيديو مرة واحدة، وتوصل للمجموعة اللي انت تختارها هي بس — مش لكل حد.
كل طالب بياخد لينك، والامتحان مقفول عليه: منع تبديل الشاشات، وتمويه المحتوى، وتحقق بصورة قبل الدخول.
الاختيار من متعدد والصح والغلط بيتصحّحوا على طول، والإجابة المكتوبة بيتقرا معناها مش صياغتها — ومعاها سطر بيقول الدرجة اتحسبت ليه.
الدرجات بتدخل السجل لوحدها، وانت اللي بتحدد امتى تظهر للطالب وامتى تفضل عندك.
ولي الأمر مش محتاج حساب ولا تطبيق يحمّله — الدرجة والغياب بيوصلوه رسالة واتساب من عندك.
محفظة لكل طالب بتسجّل اللي دفعه واللي فاضل عليه، بدل الكشكول اللي بتدوّر فيه آخر الشهر.
صفحة باسمك فيها مجموعاتك ومواعيدك ولينك التسجيل، وكود QR تحطه على الملزمة أو في البايو.
يوم المستر
مش هنقولك إن حياتك هتتغير. هنقولك بالظبط تراك أديمي بيشيل عنك إيه، وامتى.
بتفتح التليفون وتلاقي كشف النهاردة جاهز: مين في المجموعة، ومين غاب المرة اللي فاتت، ومين لسه ما دفعش.
بتاخد الحضور في نص دقيقة من الموبايل، وأهل الطالب يوصلهم إنه دخل الحصة — من غير ما تبعت رسالة واحدة بإيدك.
بتصوّر صفحتين من الكتاب وترفعهم، فيطلعلك امتحان من نفس الدرس. تراجعه، تعدّل اللي مش عاجبك، وتبعته للمجموعة.
الامتحان اتصحّح لوحده والدرجات ظهرت. انت بس بتبص على مين محتاج يراجع الدرس تاني.
امتحانات أونلاين و QR
كل حاجة كانت بتاخد منك ورق تصوير وسهر، بقت ضغطة.
أربعين ورقة تصوير لكل امتحان، ولكل مجموعة.
الامتحان بيتبعت لينك واحد للمجموعة — مفيش تصوير ولا ورق ولا دبّاسة.
نداء بالأسماء في أول كل حصة.
الطالب بيوري كوده، وانت بتصوّره بكاميرا الموبايل. ولو نسيه، تكتب الكود بإيدك.
تصحيح بالليل بعد آخر مجموعة.
الأسئلة الموضوعية بتتصحّح ساعة ما الطالب يسلّم، والمقالي بيروح لقائمة المراجعة.
كل امتحان على قد الوقت اللي فاضل والمزاج.
كل امتحان بنفس توزيع الصعوبة، ومن نفس الكتاب اللي بتشرح منه — مش من الإنترنت.
وجوّه الامتحان نفسه: تأكيد إن الطالب هو هو، وقفل تبديل النوافذ، وتمويه للمحتوى — شغّالين طول الامتحان، مش عند الدخول بس.
اللي بيوصل، ولمين
الدرجات والحضور والإعلانات بتوصل إشعار على التليفون — حتى والتطبيق مقفول.
درجة جديدة، أو تسجيل حضور، أو تغيير في ميعاد الحصة — يوصل التليفون في ثواني، من غير ما حد يفتح التطبيق.
ولي الأمر مش محتاج حساب ولا تطبيق. تبعتله رابط المجموعة أو تقرير الدرجات برسالة واتساب بضغطة واحدة.
تختار الإشعارات اللي توصلك انت بالظبط، والطالب يفضل عارف كل جديد في مجموعته أول بأول.
حماية مجهود المدرّس
الفيديو اللي تعبت فيه ساعات ممكن يتنشر في دقيقة. عشان كده التطبيق فيه أكتر من طبقة حماية بتمنع تسجيل الشاشة، وبتخلّي أي تسريب يرجع لصاحبه.
على أندرويد التسجيل والسكرين شوت بيطلعوا شاشة سودة. على الآيفون الفيديو بيقف ويختفي أول ما تسجيل الشاشة أو المشاركة تشتغل.
اسم الطالب وجزء من رقمه بيتحركوا على الفيديو طول الوقت، فلو حد صوّر الشاشة بموبايل تاني، تعرف مين سرّب.
الفيديو مش بيتنزّل كملف. كل تشغيل بلينك مؤقت مربوط بحساب الطالب وبينتهي بعد وقت قصير.
الحساب مربوط بعدد محدود من الأجهزة، فمش هينفع طالب يدّي حسابه لعشرة يتفرجوا بيه.
الأجهزة اللي عليها روت أو جيلبريك مش بتشغّل الفيديوهات، لأنها بتقدر تتخطى الحماية.
بصراحة: مفيش حماية في الدنيا تمنع حد يصوّر الشاشة بكاميرا موبايل تاني. اللي بنعمله إننا نقفل كل الطرق السهلة، ونخلّي أي تسريب يفضل عليه اسم صاحبه.
بين حصتين، أو وإنت في الطريق، ومفيش لاب توب قدامك — ابعت كلمة واحدة لمساعد تراكاديمي وهيرد عليك بحصص اليوم، ومين حضر، وكام حصّلت.
مساعدك الذكي على واتساب
مفيش تطبيق تفتحه ولا صفحة تستنى تحميلها. تبعت كلمة على واتساب، يرد عليك بالأرقام.
المساعد يعرض لك بياناتك وبس. مفيش إضافة أو تعديل أو حذف يتم من المحادثة.
معمول للمدرّس المصري بالعربي — اسم طالب أو رقم تليفون أو كود مختصر، كلها تشتغل.
كل أمر بيرجع لك في رسالة واحدة، ومعاها أزرار للخطوة اللي عادة بتيجي بعدها — مفيش قوائم تلف فيها.
عدد طلبتك، حصص وامتحانات النهاردة، مين حضر، وكام حصّلت — كله في رد واحد.
ملخصالحصص والامتحانات ومواعيد تسليم الواجبات لليومين، بالترتيب.
مواعيدابعت اسم أو رقم تليفون أو الكود اللي في الـQR، وهيرجع لك ملف الطالب كامل.
أحمد محمودابعت رقم المساعد، والدعوة توصله على واتساب بزرار تفعيل — من غير ما تفتح اللاب.
رابط مساعدافتح لوحة تحكم تراكاديمي وانسخ كود الربط المكوّن من ستة أرقام.
ابعت الكود للمساعد من رقم الواتساب اللي عايز تربطه. الرقم ده بقى بتاعك.
من ساعتها كلمة واحدة تكفي. المحادثة مرتبطة بحسابك إنت ومحدش تاني.
قراءة فقط بالتصميم: رقم الواتساب يقدر يشوف أرقامك، لكن مايقدرش يغيرها. الإضافة والتعديل بيفضلوا من لوحة التحكم بعد تسجيل الدخول.
للسناتر
لو عندك سنتر بأكتر من فرع أو فريق مدرسين، بنجهّزلك حساب سنتر بتعاقد على مقاسك. المدرس بيفضل صاحب بيانات طلابه، وانت بتشوف اللي يختار يشاركه معاك.
التسعير على حسب عدد الفروع والمدرسين. فريقنا بيجهّز الحساب ويساعدك تنقل بياناتك.
كل فرع بمديره وموظفينه، وكل واحد بيشوف الفروع اللي ليه بس.
ادعُ المدرس برقمه، وهو يختار يشارك إيه: المجموعات، الجدول، الطلاب، الحضور، التحصيل، الدرجات.
طلاب نشطين وحصص ونسبة حضور ومحصّل — لكل فرع ولكل مدرس، شهر بشهر، مع تصدير Excel.
الاستقبال يمسح كود الطالب على الباب ويسجّل حضوره ودفعه — للمدرسين اللي سامحين بده.
السنتر يدفع باقات مدرسينه من تعاقد واحد، ورصيد ذكاء اصطناعي يوزّعه عليهم.
المدرسين يستوردوا طلابهم من Excel، وكل طالب بياخد كود تفعيل جاهز للطباعة.
أكتر الأسئلة اللي بتوصلنا قبل التسجيل.
دي أكتر حاجات بتتسأل قبل التسجيل. الباقي هتشوفه جوه الحساب نفسه — والتسجيل ببلاش.
شوف الباقات والأسعارأيوه. الباقة المجانية بتديك مجموعات ودرجات وحضور بلا حدود، وتجربة لأدوات الذكاء الاصطناعي — من غير بطاقة ائتمان.
لأ. الطالب بيدخل بحساب مجاني على المجموعة بتاعتك. الاشتراك على المعلم بس.
الغياب والتأخير والدرجات الجديدة بتوصل لولي الأمر على واتساب أوتوماتيك (1 جنيه للرسالة من رصيدك). أي حاجة تانية — روابط الحصص والتقارير والسجل كامل — بيشوفها الطالب وولي الأمر في حسابهم.
بالجنيه المصري من خلال بوابة دفع آمنة بتقبل بطاقات البنوك ومحافظ الموبايل. بيانات كارتك مش بتتخزّن على سيرفراتنا.
أيوه — فيه تطبيق للطلاب على أندرويد و iOS عشان يتفرجوا على فيديوهات الحصص بسهولة، وفيه حماية ضد تسجيل الشاشة. والمدرّس بيشتغل من الموقع على أي جهاز، وتقدر تثبّته كتطبيق على الموبايل والكمبيوتر فتوصلك الإشعارات حتى وهو مقفول.
بياناتك مشفّرة وهي رايحة وجاية وهي متخزّنة، على سيرفرات آمنة مع نسخ احتياطي منتظم. والوصول محدود بصلاحيات حسب الدور — المدرّس مبيشوفش غير بيانات مجموعاته.
استخدم صفحة الدعم جوه المنصة أو فورم التواصل — فريقنا بيرد، والباقة الكاملة ليها أولوية.
أيوه، من صفحة الاشتراك في لوحة التحكم، وبتفضل بياناتك ومجموعاتك موجودة.
تصفّح مستندات المنصة أو تواصل مع فريق الدعم — يسعدنا مساعدتك.
انضم لآلاف المعلمين والطلاب وأولياء الأمور الذين يتعلمون عبر تراكاديمي.
